Os socialistas de Mos aseguran nun comunicado que non comparten o “carácter arbitrario das porcentaxes de redución segundo o órgano de goberno do que se trate, un 52% para o pleno, un 36% para as comisións e un 56% para as xuntas de goberno”. Entenden que “a porcentaxe debe ser a mesma para tódolos casos pero que en todo caso debe ampliarse a rebaixa á cuantía do soldo tamén da alcaldesa e dos concelleiros con adicación exclusiva. “Chegou o momento de dar exemplo, pero todos”, segundo indicou o seu voceiro Alfonso Parada.

Os socialistas estiman en "pouco mais dun 10% a rebaixa que suporía para as arcas municipais a proposta do BNG, pero ampliándoa ó soldo da alcaldesa e dos concelleiros con retribución exclusiva, o montante do aforro anual podería roldar preto do 35%".