O persoal médico de urxencia mobilizou este mediodía o helicóptero medicalizado con base en Santiago de Compostela debido a unha persoa que quedara inconsciente tras sufrir unha picadura de insecto.

O particular que alertou ao 112 Galicia indicou que descoñecía se a picadura procedía dunha abella ou avespa e solicitaba asistencia médica para unha persoa que non respondía a estímulos. Así, dende o Centro de Atención ás Emerxencias informouse a Urxencias Médicas, Protección Civil de Bueu e Policía Local. O suceso tivo lugar ao fío das 13:00 horas de hoxe en Bueu, no lugar de Montemogos, parroquia de Beluso.