Os veciños quiéxanse de ruidos ata altas horas da madrugada protagonizados por xóvenes, “algúns incluso podrían ser menores” segundo informan. Ao parecer, segundo a versión dalgúns veciños “un grupo duns 10 mozos estiveron onte ata as cinco da mañá consumindo alcohol e fumando sustancias” nos terreos privados da Comunidade de Montes de Torroso, entidade dirixida polo popular empresario Camilo Grandal.

Ademáis de facer ruido cos instrumentos instalados no propio parque sumáronse a festa con amplificadores e incluso un megáfono con que incrementaron os decibelios para descontento dos afectados.

Hoxe, a primeira hora da tarde,  a zona na que se celebrou este “botellón” estaba totalmente limpa de botellas, latas e restos de lixo.  A finais de xuño xa se producirá outro incidente similar na zona, feito polo cal os veciños xa advertiron que se podía repetir.

O feito de que se trate dun terreo privado fai moi dificil a intervención das autoridades e o problema pasa  ser unha responsabilidade dos xestores da parcela, polo que algún veciño xa advertiu das responsabilidades legais nas que poden incorrer a Directiva se non toman medidas contundentes.

Terceira fase polémica

A terceira fase da obra, na que a Comunidade de Montes investíu una gran suma de diñeiro procedentes  de embargos a montes comunais, está a xerar polémica entre os comuneiros que se declaran encantados co proxecto e outros que están molestos coa xestión chegando incluso a calificala de “despilfarro” ou “capricho”.

Na inauguración, celebrada o pasado día 5 de agosto, o Presidente da Comunidade de Montes de Torroso, Camilo Grandal, tiña palabras de “agradecemento” para os veciños asegurando o respaldo de “toda” a parroquia “non ten lóxica toda esta obra se non temos detrás a todos os veciños da parroquia” foron as súas palabras textuais pronunciadas no acto.

Pois ben, un dos veciños afectados explica que “os técnicos contratados por Camilo, chegaron, proxectaron o que lles deu a gana, cobraron e agora están tranquilamente na súa casa. Fixeron una obra na que non se valorou o impacto acústico que ten nin as afeccións para os veciños”.

Ademáis engade que “nin Camilo nin a Xunta Directiva, se puxeron en contacto cos veciños afectados pola obra  para que desemos o noso parecer, non se consultou absolutamente nada con nadie todo se fixo pola calada, polo que é falso que todos apoien todo o que se fixo aquí”.

“Hay días nos que non se pode durmir por mor do ruido” a isto súmaselle, segundo asegura outro veciño, que “é un espazo privado pero de usanza pública no que non está regulada a entrada nin o uso que se fai do parque, calquera pode entrar de día ou de noite en empezar a facer ruido cos xilófonos, tubos e sambas, sen que exista o máis mínimo respeto ás horas de descanso dos veciños”.